李龍基不再封口透露王青霞近況　基哥眼眨淚光哽咽感動梁思浩

由梁思浩主持的YouTube頻道《娛樂好好玩》邀「癡心情長劍」李龍基任嘉賓。基哥未婚妻王青霞（Chris）因涉逾期居留虛假文書等6罪而被關押等候審訊，而李龍基則每日都前往探望，更在傳媒訪問時對藍天白雲發誓指Chris「無喺我身上搵過任何一個斗零」，更深情發表「愛的宣言」表示：「我應承佢，佢一出嚟我就會同佢結婚。」

可是後來，他多日探Chris受訪後表示封口，不再講就Chris的事發表任何評論。不過基哥今次在梁思浩節目內不再封口，再開腔講Chris。

李龍基坦言在節目坦言，未婚妻被捕後一個星期，他茶飯不思、睡不安穩，並稱：「當初事情一發生嘅時候，事實影響都好大，我直情係做乜嘢都冇晒心機，甚至乎玩……好多人知道我鍾意模型飛機，模型飛機我都冇晒興趣去玩。」更形容感覺如世界末日。

爺孫戀丨李龍基推出新歌拍MV　親自作曲憑歌寄意：我一向低調

▼點擊圖片放大

+9

+8

梁思浩被李龍基感動

另外，李龍基指王青霞曾為梁思浩的施棺贈殮頻道捐款，梁思浩聽後安慰說：「咁佢一定無事。」指因為施棺贈殮會有好福報。

李龍基說 ︰「我老婆話：『思浩好幫你㗎，你快啲，要做好啲呀』。」語畢，李龍基眼眨淚光，合十雙手一度不能說話，哽咽地地稱：「以前聽人講患難見真情，當你遇着咁嘅情況，就會對呢句嘢好深刻，當然除咗愛情，友情都好緊要。」

基哥表示經過今次事件後與Chris感情有變，不過卻是共患難後感情昇華，說：「佢而家每日寫一封信畀我。」

而事後梁思浩也在個人社交平台上載節目影片截圖，並寫道：「特別多謝我嘅嘉賓李龍基 哥哥，你嘅真情剖白，你嘅眼淚，感動了我！祝福您早日如願以償」

最新影片推介：羅子溢專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5